建筑于小谷围村民痛苦之上嘅广州大学城风光

  九,喺中国人嘅语言里面,同“长久”嘅“久”谐音;喺中国嘅玄空术数之中,代表“喜庆”。
之所以拣喺五月九号呢日,系希望我以下所讲嘅事,其中嘅主人公——嗰班苦主嘅境况可以唔再长久
落去!


  四月三十号我喺大学城过咗一晚夜。翌日早上九点几,孑然一虾就过嚟揾我嘞,佢应承带我参观
一下呢个号称“亚洲第一”嘅国家一流大学校园。


  由于前一晚我系搭地铁入去嘅,入到去嘅时候个天都已经黑齐,而且顾住讲话,根本就冇睇清楚
呢个大学城系点样嘅。家下有孑然一虾踩住部单车嚟搭我,算系可以细心欣赏一下周围嘅风光。


  大学城畀我嘅感觉的确系“大”——从我瞓嗰间房足可见一斑:三房一厅嘅间隔,重有两格厕所
同一个冲凉房,个房里面摆咗两张碌架床同一排柜,够四个人住都唔会逼,个厅则可以摆得落三四个
帘卷西风床下枱嘅衣柜,而且房外面重有露台添。以前中大、华工、华农、广工嘅宿舍我都去过,通通都冇
咁大!


  喺外面睇,啲宿舍都好大间嘅,啲教学楼、实验室之类都唔细,马路好阔,不过有几座多嚿鱼嘅
人行天桥——因为都唔会有人行嘅。绿化系有,但略嫌品种单一啲,而且啲树都唔高,行距又甚远,
所以感觉晒到死!


  大学城嘅建筑可谓毫无特色,一啲吸引力都冇,于是孑然一虾就提议话带我去睇大学城博物馆。
呢个博物馆我早有听闻,遂欣然首肯。


  喺去博物馆嘅路上,见到一个湖,景色都唔错,于是就行落去睇下。只见个湖面飘住好多莲花,
湖边垂柳摇曳,绿草如茵,湖中有个小岛,有啲雀仔喺岛上飞舞,而几只蜻蜓则互相追逐……十分之
恬静幽雅——我谂,一定好多情侣走嚟呢个湖边谈清说爱。事实上,虾仔以前经常围住呢个湖跑步。
而我亦见到有人在此垂钓,睇佢好似都颇有收获噉款——可以推荐大力过嚟碰下运气,即使空手而回
都不枉呢番闲适嘅景致!


  喺湖边行行下,见到离远有座甚似宗祠之类嘅古旧建筑,于是行埋去……

image 


  离远就见到嗰座古老建筑被一啲废旧嘅广告牌同窝棚包围住,十分之唔和谐。行埋去更不得了,
只见电线杆上面绑住一条红色嘅标语,上面写住“……非法围地,野蛮逼迁,强拆郭朗村悲惨三周年
纪念日”——由于啲风吹起咗标语前面嘅部分,所以我睇唔到前面写住乜嘢,不过估都估到八东篱把酒黄昏后九成。

  再行埋啲一睇,只见另外一条横幅上面写住“大学城毁了我们的家园,还我土地,还我家”。


image


  你哋见到中间用石棉瓦做门嗰个窝棚其实系佢哋嘅冲凉房,冲凉房后面则系一个集体厨房,好多
户人家逼埋一齐煮饭,主要都系以烂木同竹枝为燃料。


  呢度嘅人好多都系靠执破烂为生嘅,有啲则系靠有时喺附近打下散工嚟维持一家人嘅生计。

image


  见到我攞住部相机系噉影相,有两个中年妇女就围埋嚟问我哋:“你哋系记者呀?”“唔系,我
只系一个游客,路经此地,见到你哋咁惨,睇下可以点样帮到你哋。”“帮我哋报道下、反映下啦,
我哋好惨咖!食又冇得食,住又冇得住!”两位阿婵于是滔滔不绝向我倾诉佢哋嘅苦况。


  原来为咗起呢个噉嘅大学城,佢哋嘅土地按照每亩两万几嘅补偿费被强行征走,佢哋以前住嘅屋
就按照每平方米400文嘅价格拆佳节又重阳迁,新建嘅所谓安置房则按照每平方米一千四百几嘅价钱卖返畀啲
村民,而且重要佢哋每个月缴纳所谓小区管理费。


  如果照噉睇,呢班村民冇咗土地之余,连瓦遮头都冇埋——土地系农民生活嘅来源,冇咗土地就
等于冇咗生产资料,冇咗生产资料,何来有饭开啊?房屋系最基本嘅生活保障之一,以咁低贱嘅价钱
被拆毁,但又以另外一个远高于赔偿费用嘅价格卖返啲屋畀佢哋,喺呢单交易里面,啲村民连土地嘅
赔偿费用加埋都未必够买返间屋自住,莫讲话装修、添置家电同生活用品嘞,至于此后嘅生计就更加
唔使谂!


  呢个时候,窝棚里面走出嚟几个细路,身上都着得好破旧,而且个个都面黄肌瘦,一睇就知道系
严重嘅营养不良。我问佢哋攞咗张纸,写咗我每日必念嘅嗰几句咒语教佢哋念:“狗官生仔冇屎窟,
生女输卵管闭塞,生疮成年唔好得,收尾几年皮包骨!
”——希望佢哋每日早午晚三餐都念下呢几句
咒语,务求令狗官六本木之流早日得到应得嘅报应!


  跟住,两位阿婵就带我哋入去参观佢哋嘅“集中营”——其实叫“集中营”真系一啲都不为过!
我哋到嘅时候约莫系中午时分,好多人都食紧饭,有坐喺床上食嘅,亦有围喺烂枱或者旧嘅电脑枱、
办公枱旁边食嘅,但总之就冇一个人似系食紧安乐茶饭!因为冇一张可以称为“餐枱”嘅家俬供食饭
之用,啲菜都好简单,啲汤上面油都唔多滴!

  image


  个祠堂两边嘅走廊上搭满晒陈旧嘅蚊帐,啲村民就瞓喺啲蚊帐里面,十分挤逼。好多电线同光管
就搭喺蚊帐顶上面,偶然会见到某张枱上面有部风扇,其它似样啲嘅家电一律欠奉。唯一见到嘅一部
电视机都系尘封已久,而且连电视天线同电源都冇嘅,相信系村民被逼迁时带嚟嘅。

image 


  呢个系成个祠堂唯一嘅水井,系班村民日常饮用水嘅主要来源。虽然都几清凉,但就略嫌混浊咗
啲。祠堂里面有好多类似噉样嘅简易厨房,紧靠住村民瞓觉嘅地方,又堆放咗好多易燃嘅柴同废纸,
一旦失火,后果真系不堪设想!

  image


  天井内晒住一张稍为新啲嘅棉被,据讲系旧年香港嘅慈善组织送过嚟嘅,但由于当时唔知有几多
人住喺呢处,带去嗰啲棉被都唔够派。照睇墙上嘅雕刻同画像,呢条村都曾经风光过。但如今,卅几
户村民共计几百人就以呢个祠堂为家,算系免遭瞓街之苦,不过生活就毫无着落。


  有村民向我哋反映,由于佢哋唔接受不合理赔偿,又无家可归,只能够住喺呢度,使佢哋都成咗
黑人黑户。今年有村民子弟高中毕业要参加高半夜凉初透考,必须申领身份证,去到所属嘅新造镇派出所办理,
嗰个派出所嘅民瑞脑消金兽警黄杰龙(音译)居然同佢哋讲:“你哋要身份证?返去等死嗰日啦,死嗰日就会有
咖嘞!”意思即系话,你哋而家冇住址、冇户口,唔可以办身份证,不过到死嗰日呢,因为要火化、
办死亡证之类,所以到嗰阵时派出所就一定会马上帮你哋办身份证。嗱,呢啲就系今时今日中国警薄雾浓云愁永昼
嘅行业之风
嘞!


  离开嘅时候,我一直强调我哋唔系记者,但我会将我所见到嘅、听到嘅嘢如实讲出嚟,希望可以
帮到呢班无助嘅村民——本地记者唔会报道呢啲事实,因为佢哋冇胆,又或者晨早已经被下令封嘴;
外地记者唔会对呢啲消息感兴趣,又或者根本就冇呢啲消息嘅渠道!噉就透过我卢总把口将我嘅所见
所闻话畀大家知啦!


  可能有人会话我听到嘅都系片面之词——冇错,我只系听到班村民讲嘅嘢,但点解唔见有关部门
出嚟澄清事实,以正视听呢?再者,如果呢班村民真系无赖,点解有关部门唔采取行动清理佢哋呢?


  返嚟之后我调查咗一下,揾到一啲噉嘅资料:


  一篇题为《大学城年底首卖商业用地》嘅文章指出,2003年12月,广州大学城将推出三块
房地产经营用地进入土地一级市场,主要系超市、影剧院、酒店、写字楼等。有人透露,呢啲地块嘅
每亩底价喺500万元左右。可以想象,一手征地,一手卖地,其间嘅差价有几大!


  村民嘅大部分土地已经被征走,但系佢哋一直认为,广州大学城项目系违法征地,而且土地补偿
安置费太低。按照《土地管理法》,广州大学城整体开发用地非经国务院批准不可。但小谷围岛上嘅
村民指出,广州大学城喺拆佳节又重阳迁过程中从未公示过国务院批准建立大学城嘅批准文件,其征地审批过程
采用咗化整为零、移花接木嘅违规做法。


  2003年3月17号《羊城晚报》报道:“整个小谷围岛分成39个地块办理征地手续,省、
市国土部门特事特办,预计可在本月20日以前完成手续。动迁部门将随后发放通告,开始全面征地
佳节又重阳迁。”(为咗完成建设大学城呢个“伟大目标”,省、市国土部门都“特事特办”,务求尽快开始
征地拆佳节又重阳迁工作,完全当国务院冇到,农民嘅利益更加系唔使睇!)


  2003年底,国土资源部执法监瑞脑消金兽察局嘅副局帘卷西风长常嘉兴接受《人民日报市场报》记者采访时话,
广州市番禺区小谷围岛“化整为零”征用土地系广东省政府非法批地,所有审批文件无效,小谷围岛
征地要重新审批。(呢位常嘉兴副局帘卷西风长睇怕都系一个无能嘅纸板公仔,佢讲嘅说话都系废话,大学城
已经喺2004年9月落成并投入使用。)


  但系2003年12月1号到6号,拆屋公司、公半夜凉初透安、消防武薄雾浓云愁永昼警、城半夜凉初透管等一千几名人员对郭朗村
进行咗强行拆佳节又重阳迁。(国家暴力机关嘅力量要对付嘅唔系阶半夜凉初透级敌人,而系弱势农民,因为阶半夜凉初透级敌人可能
已经唔存在,又或者按照“弱肉强食”嘅自然生态原则,以及几千年嘅历史经验,唔听话嘅农民就系
要噉样对付。)


  喺呢个18平方公里嘅小谷围岛上,曾经有6条自然村,分别系南亭、北亭、穗石、贝岗、郭朗
同练溪。因为大学城被逼离开土地同房屋嘅有接近15000个农民。小谷围曾经系广州蔬菜市场嘅
供应基地,农民以种菜为生。土地被征走之后,目前只有大约2000人被安排喺大学城做协管员或
保洁员,其余一万几人生活几乎冇着落。失地村民40岁以上都好难揾到工作。(夺人衣食,犹如
杀人父母——大学城逼迁工程堪称系新时代嘅“宗族 ** ”,虽然唔系好见血。


  广州市政府征地办公室副主任杨和平表示,征小谷围岛18平方公里嘅46亿征地款全部到位。
但小谷围岛村民获得嘅补偿却远远达唔到呢个数。有一个村民张国宁(化名)指出,包括集体分配、
生产队分配同社保医保款,佢从征地拆佳节又重阳迁中得到嘅补偿金额唔够48000文。其他农民嘅所得甚至
更少。如果按佢嘅标准测算,不足万五人嘅补偿款唔超过7亿。46亿减去佢哋嘅所得,中间嘅大量
资金去咗边呢——呢个亦系农民非常关心,极为之愤怒嘅问题。(近40亿嘅土地补偿资金去咗边?
大家心知肚明啦!小谷围嘅业主除咗本地农民之外,重有一班艺术村嘅画家、外来建房者以及新造镇
镇政府嘅一啲干部,每户获得嘅补偿价格并唔透明,好多镇政府干部获得嘅补偿比村民要高得多!

  喺一封写于2002年嘅上帘卷西风访信中,啲村民写到:
  我们觉得现行的征用农村集体土地的补偿和农村土地买卖的运作形式存在严重问题。由于村一级
没有土地买卖的经营权,是镇区以行政单位通过房地产公司进行运作,这是一个官商合作操控的行为,
持有土地的农民一开始就处于弱小群体的单位。补偿数量、土地价格官商制定,持有土地的农民没有
制定价格的权利。土地是特殊商品,持有这一商品的卖家无权制定自己的商品价格,价格由买家定。
这是一种反常的运作现象。因此,农民的权益被损害是正常的,得到有效保障反而是奇怪的事。

  好多小谷围原艺术村业主都拥有番禺市政府核发嘅《建设用地许可证》、《建设用地批准书》,
省政府核发嘅《房地产权证》,全部手续合法,具有国家认定嘅土地使用权同房屋所有权。但无论系
面对媒体采访,定系喺行政复议决定中,广州市有关方面都认为,“艺术村用地属于城市国有土地,
地方政府根据《土地管理法》第五十八条的规定,为了公共利益有权收回国有土地使用权。”


  建设广州大学城只不过系“局部利益”嘅需要,系某啲权力利益集团为咗各自嘅目的,搞好呢个
形象工程,帮自己嘅政绩添砖加瓦,将来可以加官晋爵,飞黄腾达。九年义务教育先系真正嘅“公共
利益”,但现今嘅大学教育已经趋向产业化嘞,虽然创造咗一定嘅经济效益,不过喺大学城接受教育
嘅学生只占广东省大学生中好细嘅比例,佢所代表嘅并唔系“公共利益”!而且我哋嘅教育资源应该
倾向嘅系基础教育,例如九年义务教育,而唔系大学教育——噉样先可能提高国民嘅整体文化水平同
素质,令更多嘅人可以脱贫致富,降低犯罪率,使社会更加安定繁荣。将教育资源侧重于高等教育,
只会造成贫富更加悬殊,社会两极分化,罪案频生!

  从网上搜索到关于“广州大学城”嘅图片可以见到,天系蓝嘅,草系绿嘅,花系红嘅,建筑群系
宏伟嘅,村落系古雅嘅,官系大嘅,女系靓嘅……啲人个个都系笑嘅!温老总喺大学城参观嘅时候都
一连讲咗两次“条件太好了!”“太美了!”国家教育部部长周济话,大学城系个令人瞩目嘅奇迹。
隔篱国嗰个国家元首兼精神领袖都要特登走过嚟广州参观呢个大学城。其它大员就更加不胜枚举嘞!


  但就冇乜人去报道、反映大学城卑污、真实嘅呢一面。我知道我可以做到嘅嘢系好卑微,我系帮
唔到郭朗村村民啲乜嘢,但系你哋可以,只要集结各位看官嘅力量,我相信一定可以改变郭朗村村民
嘅命运,为佢哋讨回公道,争取佢哋应得嘅权益——大家只要轻轻将呢篇文章转发畀其他人,又或者
转贴到各大网站论坛,根据卢总所信奉嘅“蝴蝶效应”,只要大家都肯帮卢总呢个小小嘅忙,我相信
事情好快可以有转机。


  尤其是而家喺大学城里面就读紧嘅各位同学,当你哋享用紧大学城里面各项先进、优质嘅设施嘅
时候,你哋有冇谂过,大学城嘅原居民——小谷围岛上嘅村民为你哋牺牲咗几多嘢?佢哋而家过紧嘅
系点样嘅生活?你哋嘅将来喺边度?佢哋嘅将来又喺边度?


  请恕卢总部相机当日冇乜电,唔可以影到更多相畀大家睇,等大家更加了解广州大学城。但我就
好清楚一样嘢:“勿以善小而不为,勿以恶小而为之。


  你看你看狗官的脸
  你看你看狗官的脸

  广东人等住仆街啦!

随机文章:

同呢篇有关嘅文章:

About 卢总

卢总系“寂寞的心”有聊/撩俱乐部持牌人,健康人身·心·灵道场话事嗰个,咖啡沙龙健康道场坐馆,闻煮档档魁,光明顶顶爷,正字局常委……以推广健康、环保、广州话为终身职责嘅救世者。虽然卢总唔一定永远正确,但系听卢总讲就肯定唔会错! 上各大搜索引擎查下“卢总”,包你哋有开心大发现!
This entry was posted in 唱衰广东 and tagged , , , , , , , , , , , , , . Bookmark the permalink.

44 Responses to 建筑于小谷围村民痛苦之上嘅广州大学城风光

  1. 小雀 says:

    唉。。政策!呢个政策既目的讲得难听d就只不过系为打造广州的一个所谓“品牌”,塑造广州既形象,根本就冇理过d老百姓既感受,谈何人情味呢?老百姓又点会吾反对呢?
    外表睇落几甘宏伟几甘庞大,令人震撼,而住系里面既无论系学生、工作人员、居民都怨声载道,尤其系地铁停开之后。
    从此,原本天然生态可以吸引游人既岛屿,就变左已经离开既人吾想再翻去既地方。

  2. Keijack says:

    大二嗰阵时有一次从我哋学校行去广外, 嗰阵时哋树大多数重好细棵, 但係嗰条路哋树明显比较高. 我就谂, 呢度曾几何时一定係好肥沃嘅农田, 但係...
    嗰阵时, 忽然之间好有罪恶感...

  3. 访客 says:

    我也委同情那些村民,但是土地是国家的土地,不是村民的土地,大学城的建设是长远战略,请不要用短浅的目光去看待这件事。

  4. general_lo says:

    Birdie讲得好啱啊!
    由于时间同篇幅嘅关系,我都未插班狗官,为咗搞个大学城而破坏咗当地嘅生态环境。
    以我嘅经验嚟睇,小谷围本来应该系一个非常之唔错嘅生物圈,好多动植物可以喺其中繁衍后代。
    但好可惜,而家畀一班急功近利、见利忘义嘅无知废柴破坏晒!:em210:

  5. general_lo says:

    有罪恶感系好事,证明你有良知!以后多啲为呢班苦主做实事先系正确嘅回报!

  6. general_lo says:

    土地唔单止系人类嘅土地,更加系所有生物嘅土地;国家唔系土地嘅业主,地球先生先至系!
    冇家,又何来国?而家毁坏嘅唔系一两个人嘅家园,而系接近一万五千人嘅家园同佢哋嘅生计,重有原本生活喺呢块土地之上、呢个生物圈之内嘅动植物都同样受到影响,甚至系遭到种族灭绝!
    我已经喺文章里面表明,大学教育唔系我哋富国强民嘅最终出路,搞好基础教育先至系重中之重!你唔好用短浅嘅眼光去睇问题就真!

  7. 访客 says:

    LZ好也!真实报到社会歪风气!:
    忠心祝愿中国的狗官们“狗官生仔冇屎忽,
    生女输卵管闭塞,生疮成年唔好得,收尾几年皮包骨!

  8. 访客 says:

    我日,点解登陆不鸟?你的报道,迟到好过无到。在神的光辉下,睁目如盲是普通人,但依然能看到神奇背后的黑点,你就是神父了!哈哈,阿门!你最好找个外国著名电视台的记者来做个特辑,甘就好玩咯,“江湖”一定会给你一个满意的答复的——出来混,迟早是要还的!

  9. general_lo says:

    我早就话过我系救世者啦!不过我唔受天主教嗰套——我可以做你或者你嘅细路嘅教父,但我唔做神父!
    揾外国著名电视台记者就要靠大家帮手嘞!我唔需要咩答复,只系希望小谷围村民可以早日脱苦海就得嘞!

  10. 访客 says:

    敢都得既!!没时间写太多野,下次补翻

  11. general_lo says:

    你系补至好!否则可能会遭到诅咒!:em26::em211::em211::em211:

  12. 贝拉 says:

    起大学城固然系好既,但系D领佳节又重阳导太虚假了,只知道好,唔了解坏.太可恶了!!!

  13. general_lo says:

    佢哋只知道起大学城对自己个位同荷包好,唔起就对自己唔好,根本就冇关心过其它嘢!

  14. Keijack says:

    起还起, 但係安顿啲居民呢家嘢一定要做好先得啊嘛...
    而家大学城都重需要清洁工, 种花工人, 所以就留低人哋, 等到时各项设施差唔多啦, 班村民肯定畀人"赶"走, 信唔信啊哪!

  15. 东暴 says:

    睇咗呢篇嘢,我嘅心好痛!:em217:

    唔知边个仆街谂出要建大学城。:em213:

  16. wosaico says:

    唔知大學城啲學校有冇BBS 如有應該叫佢哋幫手將呢篇嘢發出去
    畀廣大嘅大學生知道佢哋家下住緊嘅地方係點樣嘅狀況。

  17. general_lo says:

    放心!我啲咒语一向好灵!

    帮你正下字先得:
    好嘢,唔系好也;
    报道,唔系报到——唔好学埋广州电视台嗰班垃圾噉,日日喺街边报到;
    衷心,唔系忠心——喺广州话里面,“衷心”一般都系读“冲森”,你唔需要“舂森”祝福班狗官!:em211:

  18. general_lo says:

    大学城啲学校点可能冇BBS先得嘎?我已经叫咗部分大学生帮手周围派帖咖喇!
    之前有啲脚毛都系大学城嘅学生留嘅。

  19. general_lo says:

    总之狗官六本木嗰只仆街冚家铲就肯定有份!:em210:

  20. general_lo says:

    我嗰晚瞓嗰座楼,看门口嘅都唔系本地人啦!所以你所讲嘅嘢一早已经畀人实现咗喇!

  21. 访客 says:

    我在南亭村也见过那些横幅,真是触目惊心~~~~:em217:最好就悄悄地去那些节目去报料,暴光这些事,看那些地方贪官还可以恶到几时?!

  22. general_lo says:

    使鬼“悄悄地去”报料呀?!本地有边个媒体会唔知道呢啲事?不过冇人够胆报道之嘛!一个二个都系冇胆匪类!
    呢单嘢我亦早有听闻,奈何一直冇亲眼所见而已。今次畀我亲眼所见,亲耳所闻,重唔帮班村民伸张正义?

  23. 访客 says:

    合法的黑瑞脑消金兽社会做什么都行~~~~~
    我去过中心湖看过~~~
    果时就是无意见了~~~~:em217::em217::em217:

  24. general_lo says:

    应该话,有牌烂仔做乜都得!
    你去中心湖又睇到啲咩呀?点解会冇意见嘅?

  25. 访客 says:

    :em217:我地系小谷围艺术村D村民,系岛上D屋全部都系有由广东省政府发出来D房产证和地土使用证。一直以来都安守本份,但宜家却被政府强逼戴上钉子户顶帽。间屋被强拆快三年了,到宜家为止为罗到一分钱赔偿,政府仲要系一直都唔理我地,仲要到处宣传话我地狮子大开口,向政府要高价,其实我地一直都没同政府倾过钱,我地只不过想要返块地要返间屋,甘大个大学城都话没地方可以安置净返落来二十户都唔到D钉子户。要我地无条件接受所谓“合理赔偿”,屋按3000蚊/平方的价格,我都唔知宜家系广州边一楼盘可以买到甘便D屋,某某官半夜凉初透员仲话大学城系政府投入左大量资金来建设,我地唔可以享受大学城带来D方便,所以我地必须要离岛。作为一个纳税人都没权力享受,甘唔知仲有边D人可以享受,而且我地比大学城早系小谷围岛上居住。所以话呢官字三个口,两个有下巴,一个没下巴,渠地仲意点讲都得!

  26. general_lo says:

    真系有强权就冇公理!
    3000蚊一平方嘅楼价,即使去到2008年正式下跌嘅时候都好难达到咁低嘅水平。
    边只狗官如此大言不惭?不妨点下佢个臭名——佢讲得出啲噉嘅说话又怕咩人讲啊?
    最简单一样嘢,叫佢哋解释下嗰46亿点样使法就得嘞。条数计得通嘅,我相信各位即使系一百个唔愿意都会支持。
    不过肯定佢哋唔会公开,因为其中一定涉及好多肮脏嘅交易,好多狗官都系既得利益者!
    你哋记得每日念咒:“狗官生仔冇屎忽,生女输卵管闭塞,生疮成年唔好得,收尾几年皮包骨!”

  27. 访客 says:

    如果卢总能用普通话写,相信必定能引起更多人关注哦

  28. general_lo says:

    唔好意思,我希望多啲人关注广州话多啲!
    似乎冇证据显示,用普通话写会受欢迎——而且我嘅成功之处就在于完全用广州话写。

  29. 婉菁 says:

    唔知道可以讲物好
    希望村民可以快点有好的安置
    为渠地打气:em420:

  30. general_lo says:

    暂时嚟讲,呢一点十分渺茫!
    事关村民同我哋讲,之前广州市政府某重要官半夜凉初透员亲临郭朗村向村民道歉:“系政府对你哋唔住!”之后就咩下文都冇嘞!
    我哋而家暂时可以做嘅就系,周围揭露呢件事——广州市各大小传媒一定唔敢报道呢件事,包括伪善嘅广州电视台G4,讲乜嘢为民请命,我呸!:em23:

  31. general_lo says:

    相比你如空旷嘅心,相比你以前嗰个有钱嘅老板同佢隔篱屋嘅艺术家,小谷围嘅村民……佢哋仍然生活喺水深火热之中!

  32. 临风而动 says:

    小谷围在未建大学城我去过两次,是因为我原来上家公司的老总在那有幢别墅,我们公司活动就去她家烧烤游泳。那的环境很美丽,真的,在江边,我们当时都很羡慕老板家有这么好的地方。最后一次去,老板告诉我们这要拆了,他们都不想拆。另外当时他们别墅区有个邻居是在广州有名的艺术家,那个艺术家的别墅院全是他的作品,很漂亮。他说要是拆,他死也要和这些作品死在一起。感觉很无奈

    后来离开了上家公司,也不知一切结果,再去那片地时已是大学城了。回首过往,心如空旷。

    想想这些有别墅的主肯定比村民更有权利,但他们也只能无奈离开

  33. 访客 says:

    欲哭无泪

  34. 中博网友 says:

    建议卢总将哩篇文上传到中央网站,就或者能帮到D村民都晤定。

  35. 唉,管双勾结何时了,我哋平民百胜,又可以做D乜啵?
    何止小谷围啊,果日睇见未搬走果D人真系好惨,今日封左岛嘅话,距哋迷呼天不应、呼叫地不灵?食晒D粮食迷等见毛主人比黄花瘦席?

  36. 拔刀斋 says:

    呵呵,恩宁路拆佳节又重阳迁补偿话总计有11000一平方补偿,奈何都要睇下人哋啲屋得嗰20平方住7个人,咁嘅补偿去从化住就差唔多咯。日日坐几个钟头穿州过省返工返学?踢晒啲穷人出广州啦实!

  37. 中博网友 says:

    我系大学城原居民啊,总之就惨啦:em217:当时亲眼目睹政府出动大批武装警薄雾浓云愁永昼察、警犬进行逼迁

  38. 中博网友 says:

    好多谢大家,仲会有人关心我地感受。

    的确系比人赶走噶。当时我亲眼目睹政府出动大批武装警薄雾浓云愁永昼察、警犬进行逼迁,好黑暗啊,有甘嘅政府官半夜凉初透员为左利益就不顾一切系人民嘅耻辱!

    我们的征地款都拿去买屋了,就连那5%的预留给村民的开发用地,到现时2008年10月都无下文,征地后
    大学城贝岗村村官集体亏空征地公半夜凉初透款 4千万 去投资,坐3、4年监,就放人。。。。

    地被抢走,征地款被亏空!!!我们村民吃什么啊?!

    -------小谷围大学城贝岗村原居民

  39. 中博网友 says:

    唉,距地既政策就系:不惜毁人家园,最紧要功课交完!:em25:

  40. parrotdundee says:

    d村民真系好惨

    我担心有一日 广州出现越来越多类似生物城 科学城既野 然后我地周边既天然生态区冇晒
    老城区全部都系新屋 高楼 。骑楼等广州传统建筑 古老文物冇晒?

  41. Slu says:

    我见到嘅应该就係你讲嘅呢条村啦
    郭X村
    佢哋就住係中心湖隔离
    无乜地方种嘢吖
    就係湖边小小嘅土地上开垦
    有条狗企係路中间
    我觉得几感动
    可能条狗一直都觉得
    佢要保护自己条村
    而佢企嘅位置
    就係“新”嘅村口

    都唔知讲咩好

  42. http://gseny.blogbus.com/logs/51460802.html

    给木木木又寸木木木的打0分

  43. 傻閪顱腫 says:

    小穀圍關我春事 佢哋唔掂系佢哋村府官無能 與人無尤 原嚟你啲嘢用嚟畀人屌嘅 咁我得閑就過嚟嚇屌你 好冇 屌你都嫌嘥精力

    • 卢总 says:

       
      你隻仆街以前食嘅好多生果蔬菜、米油魚肉都係産自小谷圍嘅,不過而家冇得你食嘞,毒大米、潲水油就有得你食,梗係唔關你條爛春袋事啦!
      小谷圍啲村官都不知幾“有能”!如果唔係,又點會勾結狗官“六本木”之流,出賣村民爲自己謀利益吖?
      你阿媽隻臭閪生你隻噉嘅冚家鏟出嚟,都注定係一定會絕後嘅,使慌你條七頭會趷得起?既然你條七頭都趷唔起嘞,點屌人啊?你都嘥鳩氣嘅!

发表评论

您的电子邮箱不会被公开。 标记为 * 的区域必须填写

*

您可以使用这些 HTML 标签和属性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>