前几日，我高调提倡“唱衰广州”，引起咗强烈嘅反响。今日睇咗茗荷介推荐嘅一则新闻，加上呢几日喺
广州召开嘅“两会”，我觉得好有必要，尽快将“唱衰广州”推广开，并且将范围扩展到全省，形成大范围嘅
“唱衰广东”！
首先我哋睇下茗荷介推荐嘅嗰则新闻：歹徒入室抢劫大喊“Money” 老外用中文说“没有”
案情指旧年３月９号，两名贼人刘兵（化名）及黄孟（化名）因为生计冇着落而打算抢钱之后离开南京。
当佢哋携带作案工具行上一座居民楼，听到５楼传出歌声嘅时候，两人当即决定敲门入屋抢劫。点知开门嘅系
一个蓝眼高鼻嘅中年鬼佬，呢个鬼佬用生硬嘅普通话讲咗一句“你好”，之后就攞出手提电话打咗一个电话，
跟住就将电话交咗畀黄孟。黄孟接过电话，听见对方话：“你好，我是翻译，请问你是不是要抄水表？”“哦
……我知道了。”黄孟一时间实在唔知道应该如何是好，就收线将电话还返畀鬼佬，见到刘兵已经吓到退咗出
门口，只好同佢一齐离开。
两个人行到落楼下嘅单车棚先定过神。“你还想不想去广东？不能胆小啊！外国人语言不通，更好抢。”
黄孟噉样同刘兵打气。半个钟头之后，两个人再次上楼敲门，但都系落唔到手。又喺楼下徘徊咗半个几钟头，
黄孟最终决定落手：“不能因为老外热情就不下手！”鬼佬第三次见到黄孟嗰阵已经有啲唔耐烦，企喺门口，
并冇攞电话嘅意思。黄孟做咗一个打电话嘅手势，鬼佬只好转身再去攞个电话，两个人随即入屋。黄孟将接过
手嘅电话掟埋一边，攞出羊角锤，讲咗一句佢谂咗好耐先至谂到嘅说话：“Money！Money！”
“没有！没有！”鬼佬吓到举起双手用普通话大嗌。呢个时候，一个鬼婆从厨房行出嚟，佢亦都吓到尖叫
起身。刘兵马上上前将鬼婆制服，用胶带将佢绑喺梳化，嗰个鬼佬跟住亦被刘兵绑住。之后，两个人掠去三部
手提电脑、一部手提电话，以及一啲散纸。临走嘅时候，重大力噉“凿”咗两只鬼个头几嘢。
警方接到报案之后，根据种种线索喺刘兵乡下将其抓获，黄孟亦随即落网。
睇完呢单新闻之后，你会有咩感想呢？有冇留意到，呢两个贼抢劫嘅目的系为咗去广东？而且重唔会因为
对方系鬼佬而落唔到手，甚至重认为“外国人语言不通，更好抢。”以呢两个“笨贼”嘅能力，喺南京揾唔到
食，估计到咗广东之后，情况都会系一样，最后唔系偷，就系抢。如果好彩又遇着个外国人嘅，重容易得手。
须知道，进驻广东嘅外国人为数都唔少！
最近喺南粤大地上，除咗吹住阵阵寒冷嘅北风之外，重吹紧一股“解放思想”嘅唔知咩风。但系唔知呢股
“解放思想”嘅风几时会吹去北方呢？好多内地人嘅思想重系好保守，重系死咁揽住以前嗰套“东南西北中，
发财到广东”嘅陈旧观念唔放。点知，百万大军过木桥，人人争先恐后，个个惊死执输，加上地方官员无能，
中央又唔肯出面去干预，搞到广东僧多粥少，民怨载道。南下广东又揾唔到食嘅，通常就只有两条路好走——
男盗女娼。我噉讲唔系嘲笑或者侮辱外省人，而系讲紧现实！
睇下呢几日嘅新闻报道，嗰啲为咗买火车票返乡下而露宿街头嘅外省人就系最好嘅明证——广东真系并非
你哋想象中嘅天堂，广东早就已经沦为犯罪分子嘅温床，任何你谂得到或者你谂唔到嘅事情都有可能发生喺你
身上！１月１４号，广州火车站抓获咗一名贵州籍湖南某高校毕业嘅研究生杨某，杨某当时偷咗旅客嘅行李，
以图揾钱搭车返乡下——呢啲就系证据嘞！
根据ＤＴＺ戴德梁行近日公布嘅数字显示，广州市已经连续五年出现咗住宅供需嘅严重失衡。住宅嘅供应
与需求比例（按单位建筑面积计算），２００３年系１：１．１９，２００４年系１：１．３３，２００５年
系１：１．２３，２００６年系１：１．３４。２００７年头两季度嘅住宅供需比例悬殊最大，其中第二季度
曾经达到１：１．５６，噉即系话，当时市场上有１平方米嘅住宅供应，就已经有１．５６个平方米嘅成交，
其中天河区住宅供需比例就达到１：３．２３，呢种局面促使楼价攀升，并且持续咗半年时间。随住市场供应
逐渐增加及因楼价高企，市场承接力有所下滑，进入第四季度之后，供需矛盾先出现舒缓局面，一度“平衡”
到１：１．１１嘅局面，但２００７年头１１个月嘅供需比例仍然达到１：１．２５。
嗱，各位，而家知道点解你哋买楼要咁贵嘞！所以点解２００５年下半年，我卢总已经叫人唔好买楼，而
应该要卖楼就系噉解嘞！当需求比供应超出１／５已经系好可怕嘅事情，更何况系超过一半，甚至接近六成？
噉，系咩造成咗呢种供需矛盾嘅局面呢？答案就系无序嘅外地人口涌入嘞！一句话“包容性好强”，噉就
个个都涌晒入嚟，有钱嘅就炒楼炒铺炒地皮，冇钱就开公司、抢饭碗、争地盘，总之占到山头就做大王。你话
有乜办法广州啲楼价唔过万文一平方，唔拆晒广州啲骑楼街、猎德村、小谷围，何来土地供应啊？所以，你哋
冇咗份工呀？份粮唔够供楼呀？老婆跟人走佬呀？老公走去包二奶呀？买罐煤气都成百三文呀……呢一切都系
拜嗰啲“唱好广州”嘅人所赐！
所谓“人望高处走，水往低处流”、“良禽择木而栖”……但系，有冇谂过，当你“唱好”广州或者广东
嘅时候，会引嚟好多乌蝇、老鼠、曱甴，搞到你嘅住地周围污糟邋遢、乌烟瘴气，佢哋甚至想占据埋你间屋？
所以，唔好责骂我卢总要“唱衰广州”、“唱衰广东”，因为你哋“唱好”嘅时候，根本就冇预期到今日
呢个恶果！因此你哋必须去承受返呢个恶果，最惨就系我卢总要陪埋你哋一齐去饮你哋酿嘅苦酒！所以，你哋
冇资格批评我！你哋冇资格指责我！我唔闹你哋，你哋已经执一身彩嘞！重想教训我？！
最近，“两会”喺广州正开到如火如荼，各大报章同新闻媒体都有广泛报道。睇见一啲无能嘅废柴，混迹
于“人大代表”嘅行列当中，放埋晒啲狗屁，献埋晒啲“屎桥”，真系火都嚟埋！不过唔得闲逐一插佢，暂且
将呢班人记录在案，等有机会再将呢班废柴逐个收拾！
无论你有冇睇过《集结号》都好，你都应该要知道：组织系靠唔住嘅！所以，你哋唔好指望“唱好广州”
可以帮你哋带嚟啲咩好处！只有“唱衰广州”先至可以救到广州——我哋唔单止需要“唱衰广州”，而且重要
“唱衰广东”！你哋都一齐帮手“唱衰广州”、“唱衰广东”啦！
