话咁快，今日到咗夏至。夏至就即系话，太阳今日会直射北回归线，系北半球一年里面日头最长嘅一日，
从今日开始，日照嘅时间将会不断逐渐递减，直到冬至为止。一般嚟讲，夏至都系６月２２号，但今年咁啱系
闰年，有二月廿九号，所以夏至提前咗一日，系６月２１号。

　　夏至日系我国最早嘅节日，喺清代之前嘅夏至日全国放假一天，大家就可以返屋企同亲人团聚畅饮，有啲
地方嘅习俗就系喺呢一日祭祖。不过自从满人入关之后，呢啲传统习俗都被破坏晒嘞。

　　而喺广州，如果你想感受下夏至呢一个特别嘅日子，可以去广州城北从化太平场。嗰处有一座２３．５米
高嘅北回归线塔——每年嘅夏至呢一日正午，只要你企喺座塔下面，你就见唔到自己个影，都相当神奇！

　　五月喺一年之中属“午”，经络配手少阴经，内脏对应心，卦象为媾。以阴遇阳，以柔遇刚之象——火气
渐壮，水力衰弱，宜补肾助肺。是月天道西北行，作事出行宜向吉。是月生气在辰，适宜坐卧向东南方。

　　芒种五月节，运主少阳三气，时配手少阴心君火。每日寅卯时正立仰身，双手上托左右力举各三十五下。
之后就盘膝正坐，调匀自己呼吸，叩齿三十六次，吐纳若干后吞咽口中津液。可以消除腰肾蕴积虚劳，咽干、
心痛、肋痛可治。目黄消渴欲饮，身热、头颈痛，上咳吐，下气泄，易惊恐，头痛面赤皆可！

　　夏至五月中，运主少阳三气，时配手少阴心君火。每日寅卯时，跽坐（“跽”就即系挺直上身，两膝着地
长跪）伸手叉指，一只踏住对手，脚换踏左右，各三十五次。之后，盘膝正坐，叩齿，徐徐吐出浊气，咽液。
可消除气蕴积滞、腕膝痛、臑臂痛、腰背病、两肾内痛、身体沉重，诸痛皆愈。

　　五月初五、初六、初七、十五、十六、十七、廿五、廿六、廿七谓之九毒，切勿居湿地以招邪气，亦唔好
露卧星月之下。初一，攞啲枸杞嚟煲水沐浴，不老不病；初五，应该攞啲兰草嚟煲水沐浴，兰草又叫香水兰、
燕尾香、千金草。

　　是月勿晒床荐席，勿下枯井及深穿，因其中多毒气，先以鸡毛探之，若毛下旋舞者即系有毒。茉莉花唔好
摆喺床头，易引蜈蚣。