卢总有嘢讲——支持本地化，抵制普通话；实现国际化，推广广州话

　　踏入农历嘅六月，新历嘅七月，本来就应该系好鬼热先至啱嘅，不过今年适逢盲年，唔系一个好嘅年份，
加之啲人破坏咗环境，做埋晒啲唔等使嘅嘢，例如劳民伤财开奥运，故此天降异象警示。但系都要一意孤行，
所以个天就继续惩罚，成个夏天都普降大雨，等你哋啲农作物失收、欲冬病夏治者失效。今年有一啲医院为咗
抢客争生意赚钱，竟不惜篡改“祖宗历法”，将真正“初伏天”提早十日，而将真正嘅“初伏天”（７月１９
号）改为“中伏天”——如此“自定义”，不但扰乱咗自然嘅律法，更加可能影响到病人嘅健康，系一种为咗
金钱之利而罔顾病人权益嘅无耻行径！“三伏”系初（头）伏、中（二）伏同末（三）伏嘅总称，三伏嘅最早
记载见于春秋时代嘅秦德公二年——即系公元前６７６年，三伏期间统称“伏天”或者“伏日”。而按照我国
传统嘅推算法，夏至后第三个“庚日”（即系天干为“庚”嘅日子）为初伏，第四个庚日为中伏，立秋后第一
个庚日为末伏。两个庚日之间相隔十日，初伏到中伏固定为十日。但系，由于有立秋后嘅第一个庚日系末伏嘅
规定，所以中伏到末伏就有十日同廿日两种情况。

　　如今已步入季夏之月，阴气内伏，暑毒外蒸。如果纵意当风，任意食冷，故久则多暴泄之患，切宜谨慎。
古人通常都会拣六月初一、初七、初八、廿一沐浴，以去病攘灾。必须记住：“沐”系洗头，而“浴”系洗身
——古人会将两件事分得好清楚。另外，喺六月廿七日，攞啲枸杞煎汤沐浴，噉就唔容易得病嘞。六月极热，
可急扇手心，则五体俱凉。但系，六月唔可以喺露天嘅地方躺卧，而且沐浴嘅时候又唔好对住啲有风嘅地方，
恐防邪气侵。六月又唔好用冷水浸手脚，令人疯病，而体重气短。

　　三伏天其实系唔适宜嫁娶嘅，因为容易伤夫妇，不吉。今年８月８号系庚辰日，之前嘅一日８月７号就系
己卯日，正正系立秋，所以今年８月８号就系末伏，因此拣嗰日结婚其实系好无知！不过如今，无知嘅人真系
比比皆是——有因为教育嘅缺失，亦有因为对传统嘅无视与破坏！

　　因此，为阁下以及屋企人、亲朋戚友嘅健康着想，得闲多啲嚟踩下卢总个场，留下脚毛，等我哋一齐讨论
同埋研究，以达致众人嘅身心灵健康！

　　六月喺一年之中属“未”，经络配手太阴经，脏腑主肺、脾，应湿土，卦象为遁。遁者避也，此时“二阴
浸长，阳当避也”，生气在巳，坐卧宜向住南方。是月天道东行，作事出行俱宜向东。

　　小暑六月节，运主少阳三气，时配手太阴肺湿土。每日丑寅时，两手踞地，屈压一足，直伸一足，用力掣
十五下，之后就盘膝坐好，叩齿、吐纳、吞口水。可以消除腿膝腰髀风湿、肺脏胀满，益干喘咳，对骨盆痛、
半身不遂、小腹胀引腹痛、哮喘、脱肛、腕无力、手挛急、身体重、偏风、健忘、喜怒无常等症，皆有功效。

　　大暑六月中，运主太阴四气，时配手太阴肺湿土。每日丑寅时，双拳踞地，转头向肩，引作虎视，左右各
十五下，之后就盘膝坐好，叩齿、吐纳、吞口水。可以消除头颈胸背风毒、咳嗽气喘、胸满臂痛、上渴心烦、
掌中热、脐上或肩背疼痛、中风、皮肤痛及麻感、小便数（读“索”）或溏泄、悲愁欲哭、洒淅寒热。

　　每逢天时暑热，尤其是大小暑呢两日，我哋岭南人都会煲冬瓜以解暑去湿。但系我哋煲冬瓜唔会斋煲冬瓜
噉独孤一味，而系会因应唔同人嘅需要或者天气情况，佐以茨实、薏米、荷叶、扁豆、赤小豆、茯苓、蜜枣、
陈皮……等，非常有益兼且好味！所以嗰啲奉“普通话”为“母语”嘅、连猪狗都不如嘅唔知乜嘢，唔好以为
我哋岭南人都好似佢哋咁鬼无知、冇眼光、无能不举、十足奴才相！

　　大家重要记住，冬瓜只可以“煲”，绝对唔能够“褒”！

　　十二月练功祛病·七月