今日睇报纸又见到广州市政府啲无耻行径嘞！

　　首先就系广百百货喺四川灾区招聘１００名员工，佢哋要接受为期３个月嘅岗前培训，之后就会成为广百
嘅营业员、收银员、礼仪员或者督导员，大部分将安排到即将开业嘅新店。呢啲新员工将会喺广州市商贸职业
学校进行岗前培训，合格者将会获得国家级职业资格证书（即系初级工）。广百百货同呢班四川人签订咗３年
嘅劳动合同，佢哋将会享受法定嘅社会保险、１５００文／月嘅基本工资同３００文嘅住房补贴，喺生活条件
等方面重有所倾斜。据了解，从招收到培训期间，呢批四川人嘅交通费、基本生活用品、食宿费、学费、书费
同考证费都由广百百货负责。连埋社会保险，未计奖金、津贴、加班费，呢班四川人月入起码超过两千，不知
好过几多广州本地居民！而做志愿者去支援灾区重建嘅，每个月就只系得嗰７５０文嘅生活补贴。

　　又系一个慷广州人之慨，树个别官员形象嘅典型例子！点解从来唔见广州市政府如此“关照”过广州贫困
市民嘅？四川省家下要重建，需要好大量嘅人手，广州市政府应该组织四川籍嘅务工人员积极回乡参与建设。
如果人手都唔够嘅话，再组织埋其它省份嘅人员，又或者招募本地志愿者去援助佢哋。但广州市政府官员竟然
同人倒转，挖晒人哋四川啲人手过嚟，起咗一个非常之坏嘅带头作用，令到好多其它省市政府部门纷纷效法，
噉样搞法，二十年都唔知可唔可以将四川嘅灾区重建完成！

　　我怀疑广州市政府啲官员嘅ＤＮＡ系有问题嘅，又或者佢哋对手系畸形嘅——啲手指都系拗出唔拗入嘅！

　　跟住另外一单新闻系话，１１００架／部的士将会喺个半月内出街争饭食——各位一定要记住，车只可以
用“部”或者“架”做量词，用“台”嗰啲唔知系从边处落后地区出嚟嘅怪物。

　　以现时广州如此挤塞嘅交通，重要放多千一架的士出街，系咪嫌广州啲路唔够塞，想再塞啲添？另外就系
能源供应方面嘅问题，最近世界能源供应咁鬼紧张，广州一下子多咗千一架的士出街，即系话广州市每日起码
会多咗５００００升燃料嘅需求。跟住落嚟就系呢千一架的士所制造嘅环境污染问题、停车场土地问题……

　　重有一点必须同大家说明嘅：新进揸呢千一架的士嘅人，并非全部都系广州市本地居民——嗱，我哋就系
咁排外，我哋就系噉搞地方主义！本地人都食唔饱、着唔暖，点招呼从外面嚟嘅人啊？第日你哋岭北再发生咩
水灾或者地震，靠边处人去支援、救助你哋？我哋啲岭南人遭逢水灾，有冇人嚟打救？

　　香港政府日前向立法会申请２０亿嘅拨款，用嚟重建四川灾区。有议员就指责政府噉做系急同胞所急，但
就冇急市民所急——市面百物腾贵，通胀令香港市民生活百上加斤。香港政府官员唔系谂下点样制定措施，又
或者系开仓派米赈灾，反而就热衷于申请拨款，去重建人哋嘅家园。香港人用血汗辛劳创造嘅财富唔享用得，
反而畀嗰啲政府高官用嚟仰上献媚，认真荒谬！

　　胡总嘅“文胆”俞可平话过“民主是个好东西”——民主的确是个好东西，可惜民主呢个好东西喺广州并
唔存在，我哋广州人根本就冇权去决定我哋嘅生活、我哋嘅未来……广州市政府嗰班狗官话之你市民有几急！

　　呢个时候，我又不禁谂起咗自杀嘅“广人治广”、大学城小谷围郭朗村嘅村民……