收到最新嘅消息话，今日又地震嘞！

　　首先，当地时间凌晨零时二十六分，日本东北部地区发生６．８级地震，造成超过一百三十人受伤，其中
１６人伤势严重。地震导致青森、岩手、宫城同福岛等县共８６１１户居民嘅用电受到影响，６个钟头之后先
恢复供应。到咗早上１１点２８分左右，青森同岩手两县又发生咗３级地震，怀疑似系余震。日本气象厅初步
判断，呢次地震震源比较深，唔会发生大规模余震，但未来仍会有发生震度为４级左右余震嘅可能。

　　跟住，北京时间嘅１点３０分，四川省广元市青川县发生３．８级地震。３点５４分，陕西省汉中市宁强
县、四川省广元市青川县交界发生５．６级余震，广元市震感非常强烈，已造成广元市１人死亡，４人受伤，
其中１人重伤。下昼嘅１点３０分，四川省广元市青川县同陕西省宁强县交界地区发生４．９级地震，陕西省
西安、宝鸡、汉中等地区都有震感。唔够两个钟，３点０９分，喺四川省广元市青川县同陕西省汉中市宁强县
交界地区，发生６级地震，震源深度为１０公里。青川广电台局长承认，今日已经发生４级以上地震４２次，
５级５次，６级就有两次，地震导致多处山体滑坡、６处塌方，８９户居民嘅三百六十几座房屋垮塌，十几人
受伤，但就得到咗及时嘅处理。宁强县报告话今日至少已经发生咗１５次大小不同嘅余震，广平等镇就有居民
受伤。

　　而据中国地震台测定，北京时间朝早嘅９点４３分，喺俄罗斯堪察加半岛东海岸近海（北纬５０．９°，
东经１５７．８°）亦都发生咗６级地震。

　　本来系有预言话７月１８号菲律宾会发生８．１级大地震，造成数千人死亡嘅。不过喺７月１８号当日，
菲律宾就冇发生到咩地震，反而凌晨０点４０分四川绵竹县就发生咗４．６级地震；９点３６分，青川县发生
４．１级余震。广东南澳海域喺嗰日７点１０分都录到３．８级嘅地震，但厦门市数字地震遥测台网就话测到
４．２级地震。

　　接住落嚟发生嘅事就几神奇下嘞！北京时间７月１９号１０点３９分，日本本州岛东部海岸发生７级强烈
地震，震中就位于距离海面４０公里嘅北太平洋海底。有人话呢个时间对于巴西嚟讲都重系“７月１８号”，
所以时间上都算讲得过去，但地点同震级以及伤亡数字就有比较大嘅差距。过咗两日，即系２１号晚上嘅７点
３０分，日本东北地区海域就发生咗６．１级嘅地震。而喺今个月嘅５号，晏昼３点４９分，日本中北部发生
咗５．１级地震。

　　百度嘅地震吧已经畀人扫荡紧嘞，有啲都几得意下嘅嘢唔见咗——５·１２：５加２等于７，１２乘以２
等于２４，于是就得出７·２４——真系佩服啲人嘅观察力同想象力！重有１５日，“北京奥运”就讲要开幕
嘞，唔知各位又可以从中洞察到啲咩嘅玄机出嚟呢？

　　７月２１号，浙江嘅浦江有位傅先生影到佢所住嘅亚泰广场落雪。嗱，虽然而家系７月，但按农历嚟计，
而家应该系六月，噉“六月飞霜”你哋都听过咖啦？噉唔使我多讲嘞！你哋都知咩事！

　　我依然系希望呢届奥运开唔成！