开讲都有话：“男儿口大食四方，女人口大食穷郎。”——噉呢句说话究竟又啱唔啱呢？
首先，我哋基本上系可以肯定咗前面嗰句“男儿口大食四方”呢种讲法——男人个口大，即系嘴巴够阔，
可以容纳好多嘢，凡事睇得开，唔计较，好又一餐，唔好又一餐，食乜都冇所谓，所以佢哋比较容易揾到食，
因此“男儿口大食四方”系好有道理嘅！
跟住就要睇下后面嗰句“女人口大食穷郎”嘞，到底系唔系真嘅呢？
我哋就要睇下后面呢句“女人口大食穷郎”系来自点样嘅环境先得嘞。你睇下古时候啲小说系点样形容啲
靓女嘅？通常你都会见到有呢个字眼——樱桃小嘴。“樱桃小嘴”系点样嘅呢？“樱桃小嘴”就系个嘴好细，
细到个嘴嘅两边系同个鼻两边嘅鼻翼基本对齐，噉先为之系“樱桃小嘴”。查实“樱桃小嘴”并唔多见，因为
有“樱桃小嘴”嘅人，佢个鼻嘅鼻翼通常都好细下，两只手指都几乎可以盖得住，所以你系可以想象到“樱桃
小嘴”有几细。我咁大个人，净系记得初中嘅时候，坐我隔篱行有个女生有一张“樱桃小嘴”，跟住就好难再
遇到嘞！
噉“樱桃小嘴”又有乜嘢好，有乜嘢咁吸引呢？原来，生就“樱桃小嘴”嘅人都比较内向、怕事，唔敢点
发表乜嘢意见，人哋话乜佢就乜，基本上唔会反抗。你试谂一下，喺古代嘅封建社会，娶个老婆返嚟，你要佢
行就行，你叫佢企就企，唔会诸多茨实薏米——噉嘅老婆好唔好？我谂冇边个男人会拒绝啰——尤其是喺封建
时代添！
喺相学嘅角度嚟讲，口大就代表胆大、有胆识，表示主动、进取，做事容易成功；嘴细就主胆小、被动、
畏缩，即使有机会都唔识得争取，所以就比较蚀底。
以下内容为限制级，望未成年人士或者心智未成熟者慎读！唔好乱咁话我咸湿或者传播淫秽资讯！请诸位
留意以下内容中嘅“Ｙ”字多数都系指个“阴”字，有啲系指“淫”字或者“阳”字，“Ｓ”基本系指“性”
字，“Ｆ”就系个“房”字。
另外，嘴嘅大细亦都会暗示咗人嘅Ｓ器官状况。男子嘴大且手指长者则Ｙ茎亦长，女子嘴大唇厚者Ｙ唇亦
厚而且大；反之，“樱桃小嘴”者，其阴道必定浅。女子口小且额部又系特别狭窄嘅，所谓“口阔Ｙ门大”，
噉口小者，Ｙ器小。呢类女子不但Ｙ门狭小，Ｙ道之内亦系委婉曲折，如同羊肠小径。男子如果冇细长Ｓ具，
绝不能深入化境。个嘴生得密嘅人，Ｙ户形如田螺，Ｙ门甚大，内部却小，Ｓ具放入之后，Ｙ道口会自然渐次
收缩，而将插入之物紧紧包住，其乐无穷也。噉你话有乜办法古代啲男人会唔钟意先得嘎？天生“樱桃小嘴”
嘅女子必聪明伶俐、娇小婉漫，而且富情感，对丈夫充满热力，又好谈情，根本纯洁贞淑，系男人都喜欢呢种
类型啦！
女子嘅嘴唇生得比较长嘅，其Ｙ户就会形如竹简，此类Ｙ门内外一致，即系Ｙ唇与内部大小相同，而Ｙ道
亦甚深，须同Ｙ具细长者交合，方可有“乐趣”可言。但并唔系个个男人嘅细佬都生得细而长，所以，嘴生得
长嘅女子就唔及生就“樱桃小嘴”嘅女子咁受欢迎嘞！如果唇生得肥且厚，蝉翼噉嘅唇皮呈现出血色，红中带
黑嘅，噉呢个女子嘅性欲就一定特别强，其红中带黑之色系Ｆ事过度所致。你哋又谂下，如果畀你娶着个噉嘅
老婆，成日要做啲佢爱做嘅事情，晚晚系都要同你执几剂先至话瞓得着嘅，噉问你点顶？呢一种情况，广东人
称之为“大食”——所以话“女人口大食穷郎”其实系应该指啲嘴阔大而唇肥厚嘅情况，两者缺一不可，尤其
嗰啲双唇突而外露嘅！
一般嚟讲，嘴阔嘅女人Ｙ户必定比一般嘅女人大，嘴嘅阔度同Ｙ户嘅大细可以话系成正比。嘴阔大其实系
福泽多情之相，佢哋用情专一，敬事丈夫，不生邪念。古往今来，好多三贞九烈嘅节妇，十居其九属于此辈。
但口嘅阔大要同芳容相称先得，如果太阔、太大，生得丑陋恶俗，噉就系好Ｙ欲嘅贱相！
好嘅唇相应该系下唇比上唇阔大，色泽鲜艳，流露润泽——有此唇相者多情、温文尔雅，善事夫婿，天性
贞淑幽娴。如果唇薄如纸、血色贫乏、少红多白，其体必患隐病，例如经闭、白带等症，春情死寂、欲念淡漠
（即系如今时兴所谓嘅“Ｓ冷淡”），呢种女子守贞可靠，绝非Ｙ荡，但系可惜身子弱，不利生育，并非一个
理想嘅伴侣。
喺古代，社会以男性为主导，乜都系由男人嚟话晒事，女人唯命是从，所以细胆、被动、听话，系对女人
嘅基本要求，因此会有“三从四德”、“内外有别”、“男尊女卑”等社会道德标准、规范、礼仪、价值观、
风俗同律法。社会主流系唔会容许女人驾驭男人嘅，故“女子无才便是德”就系最好嘅明证！就连睇相嘅口诀
都要用嚟打压女人，等嗰啲口大嘅女人既难以出嫁，更加无法驾驭男人，甚至参政议政——因为古代嘅中国系
一个以农业为主嘅封建社会，男耕女织，故男人系家庭嘅经济支柱，粮食来源嘅主要生产者。一句话嗰个女人
“大食”，甚至重会“食穷郎”，睇你重有边个够胆娶？！
到咗而家，社会开放进步咗，唔再行以前旧嘅嗰套“男尊女卑”嘞，转而要倡导“男女平等”，令到女人
可以喺社会上扮演住重要嘅角色，又占据咗重要嘅地位。于是女人纷纷走出闺房，行出屋企门口，返学读书，
返工揾钱，争取社会地位同权益。
头先已经讲过，口大就代表胆大，做事能大刀阔斧，所以男儿口大能够食四方——同样，女人口大都可以
食四方！因为口嘅大细同食量其实并无关连，但同胆识就有好密切嘅关系嘞！嘴大就主胆大，嘴细就主胆细。
胆大嘅人比较主动、进取，做嘢就容易成功；胆细嘅人会比较被动、畏缩，有金都唔敢去执，自然就难成功！
所以你会发觉好多行动型嘅成功人士，佢哋个嘴都唔慌会细得去边！
举个例，就讲下今日牛一嘅陈妙瑛，今日呢篇就送畀佢啦！唔知本地啲传媒会唔会又嚟攞料呢？
陈妙瑛，１９９３年参选香港小姐，荣获“最美丽相中人”奖，并入围前五名，可惜无缘三甲！
不过佢嘅星途并唔暗淡，参选港姐之后马上就拍咗几部电视剧，随后嘅十年内，拍咗将近二十部电视剧、
几部电影同好多个商业广告，喺娱乐圈里面算系小有成就。
２００２年，陈妙瑛拍完《无头东宫》之后就离开ＴＶＢ，另签新经理人公司，安排拍广告、登台及剪彩
等等工作。其后，由于接拍咗一只丰胸产品嘅广告，发觉嗰只产品嘅市场空间甚大，生意大有可为，于是决定
弃艺从商，开创“健康国际有限公司”，售卖“ＬＦ完美女人系列”产品。由于佢眼光准、胆又大，销售策略
制定得宜，令旗下产品经常都供不应求，甚至要将推出嘅产品广告都抽起，噉先可以免却“冇货交”嘅局面。
凭藉陈妙瑛嘅声名，加上经营得法，“健康国际”屡获殊荣，旧年七月更加获一间中美合资嘅公司垂青，
出高价嚟向佢买盘收购，而且只需要继续担任大概一年嘅ＣＥＯ，今年应该可以叹世界嘞！
而喺过去嘅几年中，陈妙瑛更先后获得美国加州哈姆斯顿大学颁授“荣誉博士”学位、“２００６年世界
杰出华人”称号。佢伙拍陈灏而开办嘅“Ｂｅａｕｔｙ Ｔｅｃｈ”除咗已经进军内地之外，更加获得日本嘅
著名化妆设计学府Ｖａｎｔａｎ Ｄｅｓｉｇｎ Ｉｎｓｔｉｔｕｅ诚邀，合办课程，港日破天荒联盟，促进
两地学员文化交流，令亚洲化妆师迈向国际化……
大家有眼睇嘞：就相而论，陈妙瑛个嘴就肯定唔细嘅——但佢嘅成就亦都唔嘢小！
好似陈妙瑛咁能干嘅女人，重会唔会“食穷郎”呢？
中国古时候嘅相学、风水、术数……等玄妙学问都有好深嘅研究价值。但我哋唔可以一本通书就读到老，
必须与时并进，噉样先至可以解读到其中嘅奥妙所在！
